Møt opp til Norgescup i hopp og kombinert i helga!

Av Øyvind

Helga 14-15 januar 2017, skal IL Veten i lag med Norges Skiforbund arrangere Norgescup i hopp og kombinert for senior. Begge dagane starta konkurransen kl. 11.00.
Dette er eit nasjonalt renn med utøvarar på det «nest høgste» nivået. Dvs. at dei som presterar godt i desse renna, kan vere med om å kjempe om ein plass på landslaget.
IL Veten arrangerte også tilsvarande renn i fjor, og fekk fantastisk tilbakemeldingar både frå Skiforbundet, hopparane og leiarane for måten vi arrangerte og gjennomførte rennet på. Så derfor vart det veldig positivt motteke i miljøet når vi også tok på oss liknande renn i år.

I år vil vi også prøve å skape meir «ramme» om arrangementet, som vi då håpar skal før til meir publikum.
Vi legg derfor opp til skileik i området kring dei små bakkane som ligg vest for «storebakken», K90. Her kan foreldre og barn kose og leike seg med ulike ski-aktivieter samtidig som dei får med seg hopprennet. Etter at hopprennet er slutt, vert det fri bruk av ski-trekket.
Vi vil og plassere utover fleire bålpanner, bord og benkar, slik at folk kan ta med seg grillmat og samtidig få oppleve eit hopprenn i stor bakke på nært hald.



Med helsing
for IL Veten
Oddvin Myklebust
-Leiar -
om@nordplan.no
mob 90960342

http://www.veten.info/
(Sist oppdatert 11.januar 2017, 09:49)

Gå til nyhendearkiv