Nakkjen Ned og Mini Nakkjen Ned vert arrangert skjærtorsdag i påska kvart år, så sant snømengde og ver tillet det.
Ein møter ved rennkontoret på Nordfjord Fritidssenter før ein går til START på toppen av Bergsetnakkjen. Ein kan rekne å bruke 1,5-2t opp. Det er valfritt utstyr. Telemarkski, randone, snøbrett eller fatbike? Det er opp til deg! Klassane blir til etter påmelding. Du kan og velge å delta i trimgruppa utan tidtaking.
Mini Nakkjen Ned er eit godt alternativ for dei yngre. Deltakarane tek trekket til toppen, og går derfrå til start. Det vert 2 omgongar. Alle får premie.